Veräppelt! / storytelling, 4+ / Venue: Bongert Altenhoven, Bettembourg / Festival LiteraTour 2019

Nee, keng Angscht, dir gitt hei net ugeschmiert… Am Géigendeel, dir kritt esouguer eppes geschenkt!

Passend zu der Emgéigend gëtt et nämlech e puer fruuchteg Wieder op d’Oueren, Geschichten iwwer Äppel a Bieren! Nee Nee, kee Rezept fir Uebstzalot, mee richteg spannend, geféierlech, witzeg, verzauberten Abenteuer, an deenen d’Friischten, déi och am Bongert wuessen, eng grouß Roll spillen.

Ma net nëmmen d’Oueren, mee och är Hänn kréien eppes ze schaffen. An engem klengen Atelier tëscht de Geschichten bastele mir zesummen. Wat genee mir do kniwwelen, gëtt nach net verroden, mee et sief vläit just dëst gesot: dono kënne mir domadder all zesummen weider erzielen an d’Geschichten nach méi spannend maachen!