Säitdeem d’Isa mat senger Mamm geplënnert ass, geet him alles ferme op d’Nerven. Et fënnt kee wierklechen Uschloss a souwéisou ass a sengen Aen alles sënnlos. Déi Welt, an déi d’Isa geworf ginn ass, gefält him net, an déi Zukunft, déi déi Erwuessen him verspriechen, wëll et net. Dowéinst entscheet hatt, einfach alles ze veränneren. Am Plaz ze maache, wat alleguer mengen, wat ee maache muss, mécht hatt sech op d’Sich no der eegener Stëmm. Lues awer sécher mierkt et, dass et ëmmer nëmme funktionéiert huet, ouni ze wësse firwat. Vun elo u wëll d’Isa säi Wee goen. Mä ganz esou einfach ass dat eben net, scho guer net, wann een sech dann dach net komplett isoléiere kann a kucke muss, mat all deenen aneren ze liewen, ouni sech zu verstellen. Mat dir! ass ee Klassenzëmmerstéck fir Jonker ab 14 Joer mat Live-Musek. Ouni Distanz gëtt hei d’Realitéit vu jonke Mënschen thematiséiert, déi an enger oniwwersiichtlecher Welt no Orientéierung an hirem eegene Wee sichen.

Alter: 14+

Dauer: +/- 45 Minutten

Text a Regie: Olivier Garofalo

Spill: Betsy Dentzer

Akkordeon: Frin Wolter

Produktion: Centre des Arts Pluriels Ettelbruck

Fotoen an Teaser: Bohumil Kostohryz

Ënnerstëtzung: Lycée Technique d’Ettelbruck

Mat Dir! ka weiderhi vu Schoule beim CAPE gebucht ginn, via scolaires@cape.lu. Méi Infos via den Ticket-Link.

Tournees-Daten:

23.01.2026, 10h00: Lycée Technique d’Ettelbruck (Première)

26.01.2026: Lycée Technique d’Ettelbruck

28.01.2026: Lycée Technique d’Ettelbruck

29.01.2026: Lycée Aline Mayrisch

30.01.2026: Lycée Robert Schumann Luxembourg

02.02.2026: Lycée Mathias Adam

04.02.2026: Lycée Mathias Adam

05.02.2026: Lycée Nic Biever Dudelange

06.02.2026: Lycée Nic Biever Dudelange

13.02.2026: Centre Hospitalier Neuro-Psychiatrique Ettelbruck